குறளின் குரல் - 661

9^th Feb 2014

எற்றென்று இரங்குவ செய்யற்க செய்வானேல்

மற்றன்ன செய்யாமை நன்று.

                        (குறள் 655: வினைத்தூய்மை அதிகாரம்)

எற்று என்று - எத்தன்மைத்தாய குற்றம் நிறைந்த செயல்களைச் செய்துவிட்டோம் என்று

இரங்குவ - ஒருவர் தம்மையே நொந்து கொள்ளும்படியான செயல்களைச்

செய்யற்க - செய்யாதீர்

செய்வானேல் - அவ்வாறு ஒருவர் முன்பு செய்திருப்பானேயாயினும்

மற்று அன்ன - அவ்வாறு மீண்டும் அத்தகைய தவற்றினைச்

செய்யாமை - செய்யாதிருத்தல்

நன்று - நன்மையாகும்

ஒருவர் ஏன் இத்தகு குற்றம் நிறைந்ததான செயல்களைச் செய்துவிட்டோம் என்று தம்மையே நொந்து கொள்ளும் செயல்களைச் செய்யாமல் தவிர்க்கவேண்டும். அவ்வாறு தவறி செய்திருப்பாரேயாயினும் மீண்டும் அத்தகையத் தவற்றினை செயல்களைச் செய்யாதிருத்தல் நன்மையாகும்.

இக்குறள் தெரிந்து செயல்வகை அதிகாரத்தில் சொல்லப்பட்ட “எண்ணித்துணிக கருமம் துணிந்தபின் எண்ணுவம் என்பதிழுக்கு” என்ற குறளின் கருத்தை ஒட்டியிருப்பதைக் காண்க. செய்யும் வினைக்கு பின்பு இரங்காத அளவுக்கு வினைகளை, தூய்மையோடு ஒருவர் செய்யவேண்டும் என்பதாலேயே இது வினைத்தூய்மையை வலியுறுத்துவதாகிறது. இக்கருத்தையொட்டிய சங்க இலக்கிய பாடல்களின் மேற்கோள்கள் சில இதோ, கி.வா.ஜ-வின் ஆய்வு பதிப்பிலிருந்து.

செய்து பின்னிரங்கா வினையொடு (அகநானூறு. 268:13)

செய்திரங்கா வினை (புறநானூறு 10:11)

கற்றார்முன் தோன்றா கழிவிரக்கம் (நான்மணி 8)

Transliteration:

eRRendRu iranguva seyyaRka seyvAnEl

maRRanna seyyAmai nanRu

eRR(u) endRu – what is this I have done

iranguva – to feel miserable as such

seyyaRka – never do that

seyvAnEl – even if he had do

maRR(u) anna – doing such mistakes

seyyAmai – not repeating the same

nanRu – is good

A person must avoid doing tasks that he will regret for doing deviously in dishonest ways. Even if he had done so by mistake, it is good if he does not to the same again, even by mistake

This verse has a meaning similar to “eNNith thuNiga karumam – thuNindapin eNNuvadenba dizhukku, a verse we have seen earlier in the chapter of “doing knowing what is done”.  In essence, one must do his tasks devoid of even inadvertent dishonesty and deviant designs.

 “A person must never do anything that he will greatly regret later

  Even if done earlier, good it is not to repeat the same again after”

இன்றெனது குறள்:

பின்னினைந்து உள்வருந்தச் செய்யாதீர் - செய்திருந்தால்

நன்றுமீண்டும் செய்யாமை அஃது

pinninaindu uLvarundach seyyAthIr seithirundAl

nanRumINDum seiyAmai ahdu

குறளின் குரல் - 660

8^th Feb 2014

இடுக்கண் படினும் இளிவந்த செய்யார்

நடுக்கற்ற காட்சி யவர்.

                        (குறள் 654: வினைத்தூய்மை அதிகாரம்)

இடுக்கண் படினும் - துன்பமே உற்றாலும்

இளிவந்த செய்யார் - பிறர் தூற்றும்படியான் இழிவானவற்றைச் செய்யமாட்டார்

நடுக்கற்ற - தெளிவான, உறுதிப்பாடுள்ள

காட்சியவர் - தெளிந்த அறிவுப்பார்வை உள்ளவர்கள்

தாம் துன்பமே அடைந்தாலும், பிறர் தூற்றூவனவும், பழி மற்றும் இழிவைத் தேடித் தருவனவற்றையும் தெளிவான, உறுதியான அறிவை உடையவர்கள் செய்யமாட்டார்கள் என்பதே இக்குறள் சொல்லும் கருத்து. நடுக்கு அற்ற என்பது, தெளிவான அறிவினால் வரும் உறுதியான நிலை என்பது. வினைத் தூய்மையை, யாரை முன்னுதாரணமாகக் கொள்ளவேண்டும் என்று சொல்லிக் கூறுகிறார் வள்ளுவர்.

Transliteration:

iDukkaN paDinum lIivanda seyyAr

naDukkaRRa kATchi yavar

iDukkaN paDinum – even if bombarded by misery

lIivanda seyyAr – will not indulges in acts that others blame and lood down upon

naDukkaRRa – unwavering, firm and clear

kATchiyavar – vision of knowledge.

People of clear and firm mind and learning will not do that which brings blame, and shame, even if they suffer, says this verse – a simple thought. The word “nadukku aRRa” means unshaken state, which comes out of doubtless erudition that gives firm footing.

“People of clear and firm erudition never indulge

 in that which brings blame and shame  as refuge

இன்றெனது குறள்:

துன்பமுற்றும் தூற்றுவன செய்யத் துணிந்திலர்

நன்குறுதி உள்ளநோக்கி னர்

thunbamuRRum thURRuvana seyyath thuNindilar

nangurudi uLLAnOkki nar

குறளின் குரல் - 659

7^th Feb 2014

ஒஒதல் வேண்டும் ஒளிமாழ்கும் செய்வினை

ஆஅதும் என்னு மவர்.

                        (குறள் 653: வினைத்தூய்மை அதிகாரம்)

ஓஒதல் வேண்டும் - ஓவுதல் அதாவது தவிர்த்தல், விலக்குதல் வேண்டும்

ஒளிமாழ்கும் - தம்முடைய புகழை, கீர்த்தியை கெடுக்கும்

செய்வினை - செய்யும் செயல்களை

ஆஅதும் - ஆகுதல், (எண்ணிய திண்ணிய முடிதல்) உயர்வான மேன்மையைக் கொடுத்தல்

என்னுமவர் - வேண்டுமென கருதுவோர்

வள்ளுவர், இக்குறளில் ஓஒதல், ஆஅதல் என்ற சொற்களுக்குப் பதிலாக இன்னும் எளிமையாக, ஓவுதல், ஆகுதல் என்ற சொற்களைப் பயன்படுத்தியிருக்கலாமோ என்று தோன்றுகிறது. வள்ளுவர் அடி எதுகையை அப்படியொன்றும் கட்டாயமாகக் கடைபிடிக்கவில்லையே.  ஓவுதல் என்பது ஓஒதல் என்று குறைந்து நின்றது என்பார் பரிமேலழகர். ஆஅதும் என்ற சொல்லுக்கும் “மேலாகக் கடவேம்”, அதாவது உயர்வுபட செய்வோம் என்று வருமாறு பொருள் கூறியுள்ளார் வள்ளுவர். இச்சொல்லும் அசைநிறைச் சொல்லே, “சீர்” அமைவுக்காவே சொல்லப்பட்டது.  வேறு எதாவது காரணங்களுக்குச் சொல்லியிருப்பாரா என்பதும் மற்றவுரைகளிலிருந்தும் தெளிவாகவில்லை.

இக்குறளுக்கு பொதுவாக சொல்லப்படும் உரை, ஒருவர், தாம் எண்ணியதை மேன்மையாக செய்து முடிக்க விழைபவராக இருப்பின், புகழை மங்கவைக்கும், கெடுக்கும் விதமான வினையாற்றலை விலக்குதல் வேண்டும், என்பதாகும்

மற்றொரு விதமாகப் பார்த்தால், ( ஒளிமாழ்கும் செய்வினை ஆஅதும் என்னுமவர், ஒஒதல் வேண்டும்)புகழைக் கெடுப்பதாக தாம் செய்யக்கூடிய வினையானது ஆகிவிடக்கூடும் என்று அஞ்சுபவர், அச்செயல்களுக்குக் குற்றம் விளைவிப்பனவற்றை விலக்கவேண்டும் என்று பொருள் படுகிறது. இதுவே வினைத்தூய்மையை வலியுறுத்துவதாகவும் உள்ளது. அவ்வாறு குற்றங்களைந்த வினைத்தூய்மை, மேன்மையென்பது உள்ளுரைப் பொருளாக இருப்பதே சிறப்பாகவும் இருக்கும்

Transliteration:

Oodal vENDum oLimazhgum seivinai

Aadum ennu mavar

Oodal vENDum – must avoid, discard

oLimazhgum – that which brings down the esteem/ the earned ethical status

seivinai – deeds, tasks, acts

Aadum – yielding good and exalted state

Ennumavar – those that desire such exalted state

VaLLuvar could have used simpler words instead of words like Oodal and Aadal which seem to be  kept primarily for word metrical linkage purpose. The word “Oodal” is could have been very well substituded by the word “Ovudal” which gives the intended meaning more clearly and directly. Similarly, the word “Aadal”, is used primarily to keep the linkage with the following word intact. What could have been VaLLuvars other compelling reasons for such word usage are not evident through commentaries of others and probably only known to him.

Usual commentary says, when someone want to accomplish the undertaken tasks exceedingly well, he must avoid or discard unethical ways and show utmost integrity in performing his deeds.

If the word order in the verse is changed and read, the verse seems to be even more direct in saying what the chapter is set out to do, preaching purity in doing things.  When somebody thinks what he does can be unethical, he must avoid them in his deeds;  Doing them well follows such stance and exalted state is a by product of this and must be an implied meaning only.

 “Whatever brings down the esteem, to the deeds and the doer

 Must he avoid as unethical faults to ensure purity as posture”

இன்றெனது குறள்:

புகழ்கெடுக்கும் எவ்வினையும் செய்யாமை வேண்டும்

புகழ்கொடுக்கும் மேன்மைவேண்டி யோர்

pugazhkeDukkum evvinaiyum seyyAmai vENDum

pugazhkoDukkum mEnmaivENDi yOr