மூகபஞ்சசதீ - ஸ்துதி சதகம் - 09

नित्यं निश्चलतामुपेत्य मरुतां रक्षाविधिं पुष्णती

तेजस्संचयपाटवेन किरणानुष्णद्युतेर्मुष्णती ।

काञ्चीमध्यगतापि दीप्तिजननी विश्वान्तरे जृम्भते

काचिच्चित्रमहो स्मृतापि तमसां निर्वापिका दीपिका ॥ ९॥

நித்யம் நிஶ்சலதாமுபேத்ய மருதாம் ரக்ஷாவிதி⁴ம் புஷ்ணதீ

தேஜஸ்ஸம்சயபாடவேன கிரணானுஷ்ணத்³யுதேர்முஷ்ணதீ ।

காஞ்சீமத்⁴யக³தாபி தீ³ப்திஜனனீ விஶ்வாந்தரே ஜ்ருʼம்ப⁴தே

காசிச்சித்ரமஹோ ஸ்ம்ருʼதாபி தமஸாம் நிர்வாபிகா தீ³பிகா ॥ 9॥

தானெப்போதும் அசையா நிலையில் இருந்துகொண்டு, காற்று தேவதைகளைக் காக்கிறது; சூரியனின் தேசையும் மறைக்கிறது; காஞ்சியில் இருந்தாலும் (ஒட்டியாணம்) உலகமுழுவதும் ஒளியைப் பரப்புகிறது; நினைத்தமாத்திரமே இருளை நீக்குவது. அத்தகைய அற்புத விளக்காக தேவி உயர்ந்திருப்பது ஒர் ஆச்சரியமே!

அசையா ததென்றும், அளிதரும் காற்றுக்கும் ஆயினது;

இசைந்தது காஞ்சி எனினும் புவனத்தின் எல்லளிக்கும்;

நிசாரியின் தேசை நிறைநீக்கும்; அல்லை நினைக்கினீக்கும்;

இசைகொள் விளக்காய் இருக்கும்விந் தையந்த ஏற்றமன்றே!

அளிதரும்-காக்கும்; நிசாரி-சூரியன்; நிறை-மேன்மை;

பொருள் விளங்கப் படிக்குமாறு: (அரும்பதச் சொற்களுக்குப் பொருளிட்டு):

அசையாது அது என்றும், அளி தரும் காற்றுக்கும் ஆயின் அது; இசைந்தது, காஞ்சி எனினும், புவனத்தின் எல்லளிக்கும்; நிசாரியின் தேசை நிறை நீக்கும்; அல்லை நினைக்கின் நீக்கும்; இசைகொள் விளக்காய் இருக்கும் விந்தையந்த ஏற்றமன்றே!