மூகபஞ்சசதீ - பாதாரவிந்த சதகம் - 92

प्रसूनैः सम्पर्कादमरतरुणीकुन्तलभवैः

अभीष्टानां दानादनिशमपि कामाक्षि नमताम् ।

स्वसङ्गात्कङ्केलिप्रसवजनकत्वेन च शिवे

त्रिधा धत्ते वार्तां सुरभिरिति पादो गिरिसुते ॥ ९२॥

ப்ரஸூனை: ஸம்பர்காத³மரதருணீகுந்தல ப⁴வை:

அபீ⁴ஷ்டாநாம் தா³னாத³னிஶமபி காமாக்ஷி நமதாம் ।

ஸ்வ ஸங்கா³த் கங்கேலி ப்ரஸவ ஜனகத்வேன ச ஶிவே

த்ரிதா⁴ த⁴த்தே வார்தாம் ஸுரபி⁴ ரிதி பாதோ³ கி³ரி ஸுதே ॥ 92॥

மலைமகளே! மங்கள உருவே! காமாக்ஷியே! உன் பாதம் தேவமகளிர் கூந்தல்களிலிருக்கும் மலர்களோடு சேர்ந்திருப்பதானாலும், வணங்குபவர்களின் விருப்பத்தைக் கொடுப்பதாலும்,  தன்னுடைய தொடுதலினால் அசோக மரங்களில் மலர்களை பூக்கவைப்பதாலும் சுரபி என்னும் பெயரை மூவிதத்திலும் அடைகிறதே!

மலைமகள் காமாட்சீ!  மங்கள மே!யுன் மலரடிகள்

அலைகூந்தல் தேவ அணங்கினர் கூட்டால், அடிவணங்கும்

நிலையோர் விருப்பத்தை நேர்தலால், சேர்க்கையால் நின்றலர்த்தும்

மலரசோ கத்தால்நா மம்சு ரபிமூன்றாய் வாழ்ந்திடுமே!

நேர்தல்-கொடுப்பதால்; சேர்க்கையால்-தொடுதலினால்; நாமம்-பெயர்;