மூகபஞ்சசதீ - ஆர்யா சதகம் - 52

नन्दति मम हृदि काचन मन्दिरयन्ता निरन्तरं काञ्चीम् ।

इन्दुरविमण्डलकुचा बिन्दुवियन्नादपरिणता तरुणी ॥52॥

நந்ததி மம ஹ்ருதி காசன மந்திரயந்தீ நிரந்தரம் காஞ்சீம் |

இந்து-ரவி-மண்டல-குசா பிந்துவியந்நாத பரிணதா தருணீ ||52||

சூரிய, சந்திரர்களை மண்டலங்களை தனது தனங்களாகக் கொண்டவளும், சக்தியும் (பிந்து/அணு), வாகமாய் விரிந்த நாதவடிவான சிவன் என்று ஒன்றே இரண்டுவித தோற்றமாய் கொண்டவளும் காஞ்சீபுரியை தனது நித்திய இருப்பிடமாகக் கொண்டவளும், ஒரு இளமை பூத்த பெண்ணானவள், என் மனதில் ஆனந்தத்துடன் இருக்கிறாள். “நாதவிந்து கலாதீதா நமோநம” என்று சிவசக்தி ஐக்யமாகவே அருணகிரிநாதரும் பாடியிருப்பதை கவனத்தில் கொள்ளவேண்டும்.

அம்புலி, ஆதவரே அங்க லிகளாய் அமைந்தாளும்

அம்பர நாத அணுவாய சக்தியும் ஆனவளும்

தம்மிட மாக தவகாஞ்சீ நித்தியம் தங்கினாளும்

எம்முளம் வீற்றே இளமை முகிழ்த்து இருக்கிறாளே

(அம்புலி- சந்திரன்; அங்கலி - கொங்கை; அம்பரம் - வானம்)