குறளின் குரல் - 655

3^rd Feb 2014

பலசொல்லக் காமுறுவர் மன்றமா சற்ற

சிலசொல்லல் தேற்றா தவர்.

                        (குறள் 649: சொல்வன்மை அதிகாரம்)

பலசொல்லக் - வெற்றாய் பிதற்றிப் பலவாராய் பேச

காமுறுவர் - விழைவர்

மன்ற - தெளிவாக

மாசற்ற - குற்றமற்ற

சிலசொல்லல் - ஒரு சில சொற்கள்கூட

தேற்றாதவர் - தன்னால் பேச இயலாதவர்

தெளிவாக, குற்றமற்ற சில சொற்களைப் பேசும் திறமையிலாராக இருக்கும் சிலரே, பிதற்றலாகப் பலச் சொற்களைத் தெளிவும், பொருளும் இன்றி பேசுவதற்கு விழைவர்.  அடுக்குச் சொற்களால் அழகுபடுத்திப் பேசுவதையே பேச்சுத்திறமையென்று, உறுபயன் பற்றி ஒன்றுமறியாதவர்களே அவ்வாறு பேசுவர்.

இக்கருத்தையே கூறும் நாலடியார் பாடல்:

சொற்றாற்றுக் கொண்டு சுனைத்தெழுதல் காமுறுவர்,


கற்றாற்றல் வன்மையுந் தாந்தேறார், -கற்ற


செலவுரைக்கும் ஆறறியார், தோற்ப தறியார்,


பலவுரைக்கும் மாந்தர் பலர்.

நூல் நுட்பங்களைக் கற்றறிந்து ஒழுகும் வல்லமையுந் தாம் தெளியாது, தாம் கற்ற சிலவற்றைக் கேட்பவர் உள்ளத்திற் பதியும்படி எடுத்துரைக்கும் முறையையும் அறியாது, தம்சொற்கள் பயன்படுதலின்றி வீணாகி ஒழிதலையுங் கருதாது, ஒன்றைப் புலப்படுத்தும்பொருட்டு இவ்வாறு பல சொற்கள் சொல்லி அவம்படும் மாந்தர் உலகிற் பலராவர்; அத்தகையோர், சொல்லாகிய முட்கோல் கொண்டு நாத்தினவெடுத்துப் பேச முற்படுதலை மிக விரும்பும் இயல்பினர், என்கிறது மேற்கண்ட நாலடியார் பாடல்.

Transliterarion:

palasollak kAmuRuvar manRamA saRRa

silasollal tERRA davar

palasollak – indulging in useless blabber

kAmuRuvar – will desire, a person that

manRa - clearly

mAsaRRa – without any flaws

silasollal – even a few words

tERRAdavar – can not utter.

There are persons that cannot utter, even a few clearly articulated, flawless words; but they would desire to copiously blabber and be heard by many. Such people believe that words beautifully arranged, would attract listeners, even if there is substance in what they say.

A nAlaDiyAr poem calls such people without erudition as those that have thorns in their tongue and have the urge to blabber, no matter if what they say is useful.

“Persons that cannot utter even a few words of sense

Would desire to blabber copiously without substance”

இன்றெனது குறள்:

குற்றமற்ற சொற்சிலவும் பேசார் விழைவரே

வெற்றாய் பிதற்றப் பல

kuRRamaRRa soRchilavum pEsAr vizhaivarE

veRRAi pidaRRap pala.

குறளின் குரல் - 654

2^nd Feb 2014

விரைந்து தொழில்கேட்கும் ஞாலம் நிரந்தினிது

சொல்லுதல் வல்லார்ப் பெறின்.

                        (குறள் 648: சொல்வன்மை அதிகாரம்)

விரைந்து - தாமதம் செய்யாது

தொழில் - இடும் பணியை

கேட்கும் - விழுமிக் (மேலான பொருளாய் மதித்து) கேட்கும்

ஞாலம் - இவ்வுலகம்

நிரந்து - ஒழுங்குடன் வரிசையாக

இனிது சொல்லுதல் - இனிமையுடன் தாம் சொல்லவேண்டியதை சொல்லும்

வல்லார்ப் பெறின் - திறமை உடையவரானால் (அமைச்சர்கள்)

தாம் சொல்லும் ஏவல்களை முறையாக, வரிசைப்படுத்தி, ஒழுங்கும், இனிமையும் சேர்த்துச் சொல்பவரின் ஏவல்களை இவ்வுலகமானது தாமதம் செய்யாது கேட்டு நிறைவேற்றும் என்பது இக்குறள் கூறும் கருத்து.

அமைச்சர்களுக்குத் தெளிவான சிந்தனையும், தாம் செய்யும் அலுவல்கள் மட்டுமல்லாது, பிறர்க்கு இடும் அலுவல்களை தெளிவாகவும், ஒழுங்குவரிசையாகவும், அதே சமயம் இனிமையாகவும் சொல்லுதல் இன்றியமையாதது. இவன் இடும் பணிகள் இவனால் நன்றாக சிந்திக்கப்பட்டு, ஒரு நேர்த்தியாக வரிசைப்படுத்தப்பட்டு, பணிகளை இலக்குகள் நோக்கிக் கொண்டுச் செல்லும் என்னும் நம்பிக்கையை ஒரு அமைச்சன் ஊட்டவேண்டும். அதையே இக்குறள் அடிக்கோடிடுகிறது.

Transliteration:

viRaindu thozhilkETkum njAlam nirandinidu

sollutal vallArp peRin

viRaindu – without dealying

thozhil – what is ordered by,

kETkum – will listen, respecting as the prime, important, respectable duty

njAlam – this world

nirandu – when properly sequenced

inidu sollutal – and said with nicety and sweetness in ordering

vallArp peRin – if they are capable (ministers)

The words of a ministers who are able to sequence properly their tasks and assign to people with sweetness in their words while extracting works for the assigned tasks, will be taken as gospel and the world will work on them expediently.

Ministers must have clear thinking, and must be able to sequence the tasks when assigning to people, moving towards accomplishment of undertaken goals. In such endeavors, they should also be sweet in their words to encourage people. When the world have the confidence on minister’s ability, then it will act expediently on what he designs and assigns.

“World will act expediently on what is asked of it

 by ministers of clarity, with sweet words in effect”

இன்றெனது குறள்:

ஒழுங்கும் இனிமையும்கொள் சொல்வல்லார் ஏவல்

விழுமிஞாலம் செய்யும் விரைந்து

ozungum inimaiyumkoL solvallAr Eval

vizhuminjAlam seyyum viraindu

குறளின் குரல் - 653

1^st Feb 2014

சொலல்வல்லன் சோர்விலன் அஞ்சான் அவனை

இகல்வெல்லல் யார்க்கும் அரிது.

                        (குறள் 647: சொல்வன்மை அதிகாரம்)

சொலல் வல்லன் - சொல்வன்மை உடையராகவும்

சோர்விலன் - அயர்விலாத ஊக்கமுடையனாகவும்

அஞ்சான் - எது வந்தபோது பயமின்மையோடு எதிர் கொள்ளும் துணிவுள்ளவனாகவும்

அவனை - உள்ளவரை (அமைச்சருக்குச் சொல்லப்பட்டது)

இகல் வெல்லல் - பகைநிலையில் போராடி வெல்லுதல்

யார்க்கும் - யாருக்குமே

அரிது - மிகவும் அருமையானது, கடினமானது.

அமைச்சராக இருப்பவர்கள் சொற்களை இடம் பொருள் ஏவல் அறிந்து, சுருங்கவும், தெளிவாகவும் சொல்லவேண்டும்; தளர்வில்லா, அயர்வில்லா ஊக்கமுடைத்து இருக்கவேண்டும்; எது வரினும் எதிர்கொள்ளும் மனத்திண்மையும், பயமின்மையும் வேண்டும். அத்தகையவரை யாராலும், பகைகொண்டு, போராடி வெல்லுதல் மிகவும் அரிது. இதைச் சொல்லுவதே இக்குறள்.

இராமாயணத்தில் ஒரு முக்கிய காண்டத்தையே தன்னுடைய பெயராம் “சுந்தரன்” என்னும் பெயரில் கொண்ட பெருமை உடையவன் அனுமன். சுக்ரீவனின் அமைச்சனாக இருந்த அவனை, சொல்லின் செல்வன் என்றே அழைக்கிறோம். அவனுக்கு இக்குறளில் சொல்லியிருக்கும் மூன்று குணங்களும் நிரம்பியிருந்தாலும், அவனுடைய சொற் திறத்துக்காக மிகவும் பாராட்டப்படுகிறான். மிகவும் அதிகமாக மேற்கோளாகக் காட்டப்படும், “கண்டேன் சீதையை” என்னும் சொற்றொடர், ஒரு பானை சோற்றுக்கு ஒரு சோறு பதம் என்பது போல.

Trasliteration:

Solalvallan sOrvilan anjAn avanai

igalvellAl yArkkum aridu

Solal vallan – Gifted with the power of speech,

sOrvilan – a trait of zeal and not giving up, untiring effort and

anjAn – facing any adverse situation or ordeal fearless

avanai – such person (minister)

igal vellAl – to stay in the state of enemy and win over in any battles

yArkkum – for anyone

aridu - difficult

Ministers shall always know how to speak knowing the place, reason with full comprehension of what they speak; speak clearly and concisely; they shall have untiring effort and industry; they shall face any ordeal with fearless, braveheart. Such ministers are rare to be won by anyone in any battlefield, be it verbal or real, says this verse.

In Ramayana, an entire canto has been dedicated in the name of almost a parallel hero of the epic, Hanuman. His name is “Sundaran” and is justified by his conduct in every instance. He is more known for gift of words that he uses appropriately in every context. A glowing example of his articulation is almost cited by everyone by the sentence “kaNDen sIthayai” from Kamba RamaayANam and “Drushta seethe” from sage vAlmIki. Though he is filled with all the tree traits mentioned in this verse, he is known for gift of appropriate words.

“Minister with the gift of articulation, untiring effort

And a braveheart is rarely won, by any in any fight”

இன்றெனது குறள்:

சொற்திறம் ஊக்கம் பயமின்மை கொண்டாரைப்

பற்றலர்க்கு வெல்லவிய லாது

(பற்றலர் - பகைவர்)

soRthiRam Ukkam bayaminmai koNDAraip

paRRalarkku vellaviya lAdu